Saturday, November 8, 2014

حقك عليا (اعتصام العباسية)


May 5, 2012 at 3:23am

حقك عليا و آسف..عارف...مش كفاية
حتى أنا مخنوق م اللي واقف في المراية
و زعلك مني قابله يا مصر لإن الحكاية
إن اللي سمعوا كلامي و فهموا م البداية
زي اللي راحوا ..و راحوا ..ولادك في النهاية
صرخة نحيبك مالية قلبي.. صارت غُنايا
على وليد اتسجن..و اتقتل..على موت صبايا
بس عايزك تعرفي إن اللي باقي مكملين
لا ذل حيرضوا تاني.. و لا بعذاب دايم سنين
و لا عشاق في حبك راح يسألوا إزاي و مين
و لا جواهم صوت نشيدك راح يغلبه صوت الأنين
و انت يا مجلس عار ما تفرحش اليوم بنصرك
بكرة نباح كلابك يختفي و يتهد قصرك
و ما يفضل غير ثورتي و الموت محاصرك
و انت يا جيشي تفك قيدك.. ترجع لمصرك